قبل يوم و بضعة الساعات من حضور وزير الصحة يوم الأحد 15 نوفمبر للبرلمان لمناقشة ميزانية القطاع، نشر وجيه ذكار رئيس المنظمة التونسية للأطباء الشبان كل ما لديه من معلومات حول القطاع الذي أصبح عليلا “وغارقا في الديون” في غياب حتى النية للتغيير….
نهار الأحد، 15 نوفمبر، وزير الصحة باش يكون موجود في مجلس نواب الشعب، وللمرة الثالثة، بش يناقش الميزانية وزارة الصحة.
وأكيد باش يتوجه للمواطنين في التلفزة، وباش يحكيلهم على الإنجازات، المستشفى الرقمي، ومنصة النجدة، والاستثناء التونسي والإنجازات الطبية غير المسبوقة، وإلى آخره من عناوين النجاح.
وانا متأكد زادة، إنه مستحيل يفاجؤنا ويواجه العباد ويقولهم حقيقة الوضع الكارثي اللي عايشة فيه الصحة العمومية في تونس.
ويقولهم انه ال CNAM عايش في عجز غير مسبوق، وعندها اكثر من 13 مليار دينار، يعني خمس ميزانية تونس، ديون متخلدة لدى CNSS وCNRPS.العجز الكبير هذا وصلنا انه عندنا أطباء شبان ماهومش خالصين في فلوسهم لأكثر من 9 شهور.وانه المؤسسات الصحية، غارقة في الديون، ومجموع الديون متاعهم عند الCNAM، وصل ل 2 مليار دينار.
وإنه الصيدلية المركزية عندها هي زادة ديون ب 790 مليون دينار عند الCNAM كيف كيف.
هل باش يقول لنا إنّ الصيادلة في القطاع الخاص عندهم توّا أكثر من 15 يوم وهم يبيعوا في الدواء للمواطنين بالسوم الحقيقي متاعه، واللي عندو دواء شهري متاعه 300 دينار راهو مستحيل ما ينجم يخلصو؟
هل باش يواجه المواطنين ويقول لهم إنّه شركات رفع الفضلات الطبية اللي يهزوا في الفضلات متاع المستشفيات عاملين إضراب وعندهم عشرة أيام، خاطرهم مش خالصين في مستحقاتهم متاعهم؟
هل باش يواجه المواطنين ويقول لهم إننه عنا مشكلة في المشاريع، وإنه المستشفيات اصبحت تعمل في طلبات العروض للمقاولين، باش يبنيوا ولا يصلحوا ولا بش يشريوا من عند المزوّدين ولا غيره، لكن ديما العروض ولّت ترجع néant، على خاطر حتى إنسان ما عاد ينجم يغامر بفلوسه ويدخل في مشروع مع سبيطار اللي يعرف إنّه باش يخلّصه كان بعد عام ولاثنين، ويقعد في الديون إلى أجل غير مسمّى؟
هل بش يصارح العباد بحقيقة اللي صار في صيف 2026، من عدد العباد اللي ماتوا من ضربة الشمس، والسبيطارات اللي قص عليهم الضو، والسبيطارات اللي قعدت نهار كامل تخدم في الظلام خاتر ماعندهمش groupe électrogène ؟
هل انه السيد وزير الصحة بش ينتقد ويعبر عن ضعف الميزانية متاعع، ويقول راهو ميزانية الصحة %6.88 حاجة تحشم بينما المنشود لبناء منظومة صحة عمومية حقيقة هو 15%، هذا كان مازلنا نحكيوا على الصحة كخدمة اساسية تقدمها الدولة الاجتماعية لمواطنيها ولازم تنفق عليها بما فيه الكفاية.
في الأخير المؤسسات الصحية متاعنا غارقة في الفساد، والسيد وزير الصحة على علم بذلك.والمؤسسات الصحية فالسة، والسيد الوزير على علم بذلك.
وميزانية الدولة، لا تعطي أولوية للصحة، والسيد الوزير على علم بذلك.
المنظمة التونسية للأطباء الشّبّان قدّمت أقصى ما لديها.وأنا شخصيًا كرئيس منظمة قدّمت أقصى ما لدي.
لكن في الأخير بدينا نحسّوا بالإحباط الجماعي، بدينا نحسّوا إنّه ما عادش فما آخر النفق، ماعادش فما سبب يخلينا نعملوا في اللي نعملوا فيه وما عادش فما أمل، الحاصل ماعاش فما حتى شيء.
ظهرت المقالة الد. ذكار: “المؤسسات الصحية غارقة في الفساد، والسيد وزير الصحة على علم بذلك” أولاً على أنباء تونس.
مشاهدة الد ذكار ldquo المؤسسات الصحية غارقة في الفساد والسيد وزير الصحة على علم
يذكر بـأن الموضوع التابع لـ الد ذكار المؤسسات الصحية غارقة في الفساد والسيد وزير الصحة على علم بذلك قد تم نشرة ومتواجد على قد تم نشرة اليوم ( ) ومتواجد على أنباء تونس ( تونس ) وقد قام فريق التحرير في برس بي بالتاكد منه وربما تم التعديل علية وربما قد يكون تم نقله بالكامل اوالاقتباس منه ويمكنك قراءة ومتابعة مستجدادت هذا الخبر او الموضوع من مصدره الاساسي.
التفاصيل من المصدر - اضغط هنا :::
وختاما نتمنى ان نكون قد قدمنا لكم من موقع Pressbee تفاصيل ومعلومات، الد. ذكار: “المؤسسات الصحية غارقة في الفساد، والسيد وزير الصحة على علم بذلك”.
في الموقع ايضا :