نتفكر اعوام التالي صارت حريقة في بلاصة من بلايص هالوطن الجميل. عاد كاي مواطن هزيت روحي ومشيت وحاولت نعاون بلي نجم واصدقائي من البلاصة اذيكا عملو الي ما يتعملش و قررنا نحلو حملة تبرعات باش نعاونو العايلات الي تضررت ديارها وغيرو. لمينا الي كتب من ربي وتعدات شهور في تاليفونات وتنسيق (خاطر كل شي لازم يصير تحت عينين الدولة). ايا في نهار من نهارات، كلمني صديقي قلي معادش فيها لازم تجي ويصير اجتماع ونتفاهمو مع السلطة. هزيت روحي وقطعت المسافة ووصلت باش نقابل المعتمد متاع المنطقة.
اول جملة قالهالي هي “والله هالفلوس هاذم مشكلة، باش تعمل عبء عالمعتمدية” برا دخلنا للاجتماع وبدينا نحكيو، ايا كيفاه نختارو اكثر العايلات المتضررة وشنيا الاليات. دار السيد المعتمد قال ” ياخي فيبالكم باش تررمو؟ لا العايلات اذوكم فيهم قائمة محددة والتعليمات واضحة انو باش تتكفل بيهم الدولة”. وقتاش هذا؟ بعد 6 شهور من الحريقة ديجا ومازالو في القايمة. يا سيد المعتمد في طولك في عرضك راهو الغرض واضح والحملة معمولة للمنازل. ابدا ويستحيل. باهي كيفاه؟ برا روح تو نستشير ونعملو اجتماع اخر. الله يبارك روحت المسافة الكل وانا في اتصال مع اصدقائي كيفاه شنعملو.ايا نهار من النهارات، قاعد نخدم على روحي مع العشرة متاع الصباح يجيني تاليفون، الو السيد المعتمد قلك ايجا اليوم. يا اختي كيفاه اليوم راهو المسافة فوق الميتين كيلو؟ لا اذاكا هو.ايا بعد اخذ ورد هزيت روحي وشقيت المسافة. دخلت انا وصديقي وقعدنا قدام السيد المعتمد، بالطبيعة بعد ما سمعنا مرة اخرى كيفاه الفلوس هاذي راهو عبء عالمعتمدية وتعمل في المشاكل. قال من الاخر الحال داخل رمضان وماني قتلكم العايلات فيهم قايمة من الفوق وعليه الفلوس نعملوهم مساعدات اجتماعية. يا راجل يهديك كيفاه؟ قال اذاكا هو، يا تصير هكا يا لا. انا وقتها الحقيقة معادش نجم ونحب نسكر الحكاية. بعد اخذ ورد ومعادش فما حتى خيار قدامنا. خذينا قايمة في الناس المتضررة الكل وقررنا نقسمو الفلوس عليهم (الي على حسب العدد ما يجي شي). تقولش انت وفات؟ ايا برا روح تو نحضرو محضر جلسة وايجا صححو. تعدات ايامات وعاودت رجعت. اقسم بالله لقيت محضر جلسة تقول مكتوب سنة اولى ابتدائي. من اهم الجمل الي فيه. “انطلق الاجتماع على الساعة 14 وانتهى على الساعة 4:00.” حوس انت افهم. قعدت سوايع نستنى باش يتصلح المحضر وتصحح وفي الاخر قلي صححت هيا يعطيك الصحة. يا سيدي الكريم نحب نسخة ليا انا نحطها في الوثائق. قلي لا، لازم تطلع للولاية قبل. يا راجل يهديك… حاسيلو ما خرجت الا ما هزيت نسخة من محضر الجلسة وائتمنت صديقي باش يكمل عملية تقسيم الفلوس عالناس واول ما خرجت قتلو هاو وجهي كان مازالت نخمم نعمل الخير
وهاذي حكاية من حكايات عدة الي الاف الناس عاشو كيفها”.
ظهرت المقالة المؤثر التونسي لؤي الشابي يكتب “قصة قصيرة حزينة وانا نشوف في الحرايق…” أولاً على أنباء تونس.
مشاهدة المؤثر التونسي لؤي الشابي يكتب ldquo قصة قصيرة حزينة وانا نشوف في
يذكر بـأن الموضوع التابع لـ المؤثر التونسي لؤي الشابي يكتب قصة قصيرة حزينة وانا نشوف في الحرايق قد تم نشرة اليوم ( ) ومتواجد على أنباء تونس ( تونس ) وقد قام فريق التحرير في برس بي بالتاكد منه وربما تم التعديل علية وربما قد يكون تم نقله بالكامل اوالاقتباس منه ويمكنك قراءة ومتابعة مستجدادت هذا الخبر او الموضوع من مصدره الاساسي.
وختاما نتمنى ان نكون قد قدمنا لكم من موقع Pressbee تفاصيل ومعلومات، المؤثر التونسي لؤي الشابي يكتب “قصة قصيرة حزينة وانا نشوف في الحرايق…”.
في الموقع ايضا :
- ÇÑÊÝÇÚ ÍÕíáÉ ÔåÏÇÁ ÛÒÉ Åáì 73305
- أسعار الذهب في اليمن اليوم الأربعاء 22 يوليو 2026.. تفاوت الأسعار بين صنعاء وعدن
- الطراونة: سوء توزيع الأطباء في القطاع العام يفاقم معاناة المحافظات ويستوجب إنصاف "مؤهلي الاختصاص" عاجل
تابعونا على جوجل نيوز