أنا برضو من الحافة. ..اخبار محلية

بقلم: م.رفقي قاسم

الحمد لله قلنا رمضان بنلعب ساري القُماري والا بنلعب لنا لعبة العصا !! تجمعوا عيال الحافة وشفت العيال اتوالموا رحت لعندهم قلت يالله لاعبونا معاكم أيش بتلعبوا أول شيء محد رد لي جواب ولا نخس !! وبعد قليل قال الأول اسرح لك والثاني نطق وقال وخر وحز لك والثالث قال ويش تُبى يا بوك !! والرابع قال بت كذاك بت والخامس قال أيش تبي ياخوي ؟؟ والآخر قال روحلك نحن نلعب مع عيال الحافة بيننا البين، واحد مسكين رحمني وقال لي تعال يا رفيق أجلس معي..أنا رديت وقلت شكراً بس أنا من عيال الحافة أصل !! أنا أعرف بن السقلدي، وفتحي وباحشوان وحتى أبن اليابلي وأديب وعيال باشراحيل ,, وحتى لو ما تصدقوش اسألوهم وهم يعرفونا وكمان أصحاب الفيس والايميلات أنا وسطهم احوس !! رجًعُوا لي وقالوا بعد بعد لك وروح بعيد أنت الظاهر بالحافة جديد ؟؟ قلت لا والله أبداً !! أنا من أهل الحافة ومن زمان بعيد حتى لو ماتصدقوا الذي ذكرتهم اسألوا أبن السياري وأبن غانم وأبن أمان وهشام وتمام باشراحيل ؟؟ قالوا شوفوا من ذكر!! ذكر لنا ناس كل واحد فيهم راح هيجة، ذول كانوا زمان عيال الحافة أما الآن واحد بالخليج والثاني بصنعاء والثالث بأرض الله !! قلت لهم أيش تِهَدشوا وأيش تقولوا أنا قبلكم عائش بذي الحافة قبل ما تجوا انتم وغيركم .. رجًعُوا لي وقالوا اسمع نحنا بنسمح لك تتفرج أما أنك تشارك معانا أبداً ولا وألف لا..قلت والله أمركم غريب صدق الذي قال الفار الغريب يخرج فار المدينة !! زريت وجهي وقلت والله ما بيقع لعب وأنا مش موجود !! واعتصدت الحافة عصيد هذا يصيح من جنب والثاني من ذاك الشق حنب وهرب والثالث جاب أهله وصاح يا أبوي تعال شوف هذا الغريب أجى آخر عمره يتصلبط.. ياخي روح العب لك بين الورق والمداد مثل الناس الباقين الذي قد لهم سنين بين الورق و المداد.. هذا يشًخِط وذاك يتخَبًط ..قلت لهم طيب انا برضة من الحافة وأعرف أكتب واشخبط : قالوا أنت إلا عادك جديد علينا واصبر قليل لما يعرفوك الناس ونحن قد قرأنا لك بعض المحازي من وقت لوقت وكمان قد صورتك طلعت وأيش عادك تشتي ؟؟ أمرك عجيب والله سمحنا له يتفرج قام يشترح !! قال رفيقي الأولي أهدى قليل يا عم رفقي أنت طيب بس مالك حد، ولكن لو كان معاك حد كانوا زمان بيلاعبوك وبيخَلٌوا كل الناس يعرفوك. قلت لرفيقي والله يا أبني هذول الظاهر يشتوا أبدّل الصورة لأنه فيها مشدة تقول باروح أخزن .. قلت لهم الناس حبوا الصورة والكلام الأهم الذي جبته من الشيخ عثمان والمنصورة وحتى الذي يراسلونا بالفيس يرتاحوا لهدرتي يمكن قدهم مشتاقين يسمعوا هذه الهدرة، لأنهم من زمان ما سمعوها والهدرة حالية لما تكون كلها بالسحدلة واللكاعة؟؟ أصحابنا أصحاب الحافة بدءوا يتراجعوا لما الجيران اتوالموا وقالوا الرجال مش غلطان خلٌوُنٌه يلعب معاكم وأيش بينقص منكم وأيش بيضركم ؟؟ أجى أبن القاضي وجرنا من الشميز وقال تعال يا عم وما عليك منهم إذا ما يشتوك تعال بنلعب أنا وأنت وفي معانا ناس غيرهم ؟؟ قلت أبداً أنا بلعب بحافتي معاهم لُعبة العصا وإلا ساري القُماري وإلا بالورق.. والباقين لما شافونا مصر وما اتزحزحتش قالوا : يالله سدٍينا وتصافينا خلاص تصالحنا بنلعب عودي وقات وإلا كما تسموها أنتم حب حبين حبائبنا.. أكيد وبعد الصياح كل الناس فهموا المعنى وعرفوا أنه من اتشعبط بأرضه لا يمكن يخرج عن المغنى حتى لو جابوا له ...

مشاهدة أنا برضو من الحافة

يذكر بـأن الموضوع التابع لـ أنا برضو من الحافة قد تم نشرة اليوم ( الجمعة 2021/08/06 الساعة 08:50 ص ) ومتواجد على سما نيوز ( اليمن ) وقد قام فريق التحرير في برس بي بالتاكد منه وربما تم التعديل علية وربما قد يكون تم نقله بالكامل اوالاقتباس منه ويمكنك قراءة ومتابعة مستجدادت هذا الخبر او الموضوع من مصدره الاساسي.

التفاصيل من المصدر - اضغط هنا

وختاما نتمنى ان نكون قد قدمنا لكم من موقع Pressbee تفاصيل ومعلومات، أنا برضو من الحافة..