قال الرئيس عبدالفتاح السيسى، إن الدولة فى النهاية "موازنة"، مضيفا: "أنت النهارده مش عاوز تيجى تمس حاجة الغلبان عاوز تساعد من غير ما تؤذيه".
وأضاف الرئيس السيسى، خلال افتتاح عدد من المشروعات التنموية بجنوب الوادي:" لو الرغيف النهارده بـ 3 أو 4 أو 5 جنيه، فيه ناس تقدر تشتريه، بس مش كل الناس تقدر تشترى كده، فلازم نكون متفهمين لأن الدولة فى النهاية موازنة وطاقتها المالية كده".
ووجه الرئيس السيسى المسؤولين بالتحدث للرأى العام عن التحديات التى تواجه الدولة قائلا: "اتكلموا وقولوا الحكاية إيه للناس، قولوا ليه الكهرباء ليه مبتتعملش، ما تقولوا ليه؟ لو أخدت تمن الكهرباء الحقيقية هضاعف تمنها مرتين، طيب الغلبان هيروح منى فين؟ أقطع الكهرباء ولا أغلّيها؟ وأغلّيها قد إيه؟ اللى بيدفع جنيه هيدفع 2 و3، لو مواطن بيدفع 100 جنيه فى الشهر هاخد منه 300 جنيه طيب بنعمل إيه، بشرحها من باب إيه؟، أنا بتحمل المسؤولية أمام الله وقدامك علشان الكهرباء تستخدم 24 ساعة مفيش قطع كهرباء خالص لازم أخلى تمن الكهرباء قد تمنها مرتين 3 بقول تانى ليه مبزودش كده؟ علشان مديونية وزارة الكهرباء للبترول قد كده.. طيب اللى باخده أقل من التمن، وبالتالى أنا مديون لوزارة البترول.. أنا عندى مشكلة إنى أجيب البترول بالتمن ده وباقى الشركات اللى شغالة معانا ليها فلوس عندنا، طيب ده مديون وده مدين وده مش وليد النهارده ممارسات ماشين فيها بقالنا سنين، عملنا خطة فى 2016 علشان نخلى الحاجة على قد تمن تكلفتها لكن لازم تحطوا فى الاعتبار تحديات أزمة كورونا والأزمة العالمية والحروب اللى حوالينا وتأثيراتها علينا، الأمور مش ماشية كده يعنى ومواردنا مش كتير تسمح نقابل التحديات دى من غير جهد وتحمل لا".
وواصل الرئيس السيسي: "واحنا بنعيب على المعنيين حتى فى التقارير الصحفية والمقالات اللى بتتكتب محدش بيتناول المسألة بشكل موضوعى خالص يا جماعة يا انتوا مش عارفين يا احنا مخبيين عليكم".. بكلمكم بمنتهى الصراحة الدول لا تدار كده، وانما تدار بالجدية والمسؤولية والفهم ولو الناس فهمت هتيجى معاك وبقولك البديل أهو.. ممكن الكهرباء تشتغل 24 ساعة طبعا بس بكام؟
مشاهدة الرئيس السيسي لو ما قطعتش الكهرباء هضاعف ثمنها مرتين
يذكر بـأن الموضوع التابع لـ الرئيس السيسي لو ما قطعتش الكهرباء هضاعف ثمنها مرتين قد تم نشرة اليوم ( ) ومتواجد على الموجز ( مصر ) وقد قام فريق التحرير في برس بي بالتاكد منه وربما تم التعديل علية وربما قد يكون تم نقله بالكامل اوالاقتباس منه ويمكنك قراءة ومتابعة مستجدادت هذا الخبر او الموضوع من مصدره الاساسي.
وختاما نتمنى ان نكون قد قدمنا لكم من موقع Pressbee تفاصيل ومعلومات، الرئيس السيسي: لو ما قطعتش الكهرباء هضاعف ثمنها مرتين.
في الموقع ايضا :
- بث مباشر.. شاهد مباراة الحسين إربد الأردني أمام باختاكور الأوزبكي في ملحق دوري أبطال آسيا للنخبة
- بث مباشر.. شاهد مباراة الاتحاد السعودي والجزيرة الإماراتي في ملحق دوري أبطال آسيا للنخبة
- فلكية جدة: كسوف كلي للشمس الأربعاء.. والسعودية خارج نطاق المشاهدة
تابعونا على جوجل نيوز