في الذكرى الرابعة لتفجير مرفأ بيروت عقدت الجبهة السيادية من أجل لبنان مؤتمرا تضامنيًا مع أهالي ضحايا وشهداء المرفأ في مقرّها في السوديكو وكانت كلمات لكل من القوات اللبنانية وتكتل الجمهورية القوية وحزب الوطنيين الأحرار وأهالي الضحايا والشهداء وقال رئيس حزب حركة التغـيير المحامي ايلي محفوض خلال المؤتمر :
“يمكن خرجنا يصير فينا هيك ..يمكن منستحق هالقصاص..يمكن ربنا صار عارف انو تحوّلنا لشعب تنبل خانع صامت قابل بالأمر الواقع..يمكن ما بقا نستاهل هالوطن.. اهلنا جدودنا جدود جدودنا استحقو هالارض لانهم عرفو قيمة وطن الله ع هالارض..قبل ٤ آب 2020 ومن بعدو صار كتير وتطاول علينا كتار هجموا علينا وطلعنا محقوقين..اغتالوا نخبة الانتليجنسيا مفكرين صحافيين رؤساء نواب وسكتنا وقبلنا ورضخنا .. ومع انفجار بيروت تخطّت الوقاحة كل حدود ..يعني قبل القتيل ولم يقبل القاتل
كل ما بشوف بيت نون وبيت روكز وبيت بو صعب بسأل شو عملنا ؟ نحنا شو عملنالكن ل هالقضية يمكن كتار يقولو شو فينا نعمل اكتر من هيك ؟
إذا هيدي النتيجة وقف الحكي هون خلص الحكي هون وخلصت معه الكرامة والإنسانية
شو قيمتنا بلبنان لولا هال شوية قيم واخلاق وتربية وعادات وتقاليد ؟
شو قيمتنا من دون هالإلفة مع بعضنا ونوقف حد بعضنا
مش تشاؤم لكن قصتنا عم يخلصو زيتاتها
وإذا ما التقى مين يعبّي زيت بالسراج رح نتحوّل لمجرد أرقام ورعايا .
الشهدا والضحايا بالمرفأ مش ارقام ..ما منقول ٢٠٠ ضحية وشهيد.. منذكرهم بالإسم..
هول الهم قيمة مش بس عند أهاليهم قيمتهم أكبر من أكبر مسؤول بدولة فرّطت بأولادها إستسهلت التحقيق واستخفّت بوجود مواد متفجرة.. عرفت وأهملت وسكتت وبالتالي هيدي دولة مسؤولة بأمها وأبوها من راسها لساسها..
هول اولادنا الهم أسماء وهني أولاد عائلات .. هالضحايا والشهدا مش مجرد أرقام..
هول إسمهم الكسندرا نجار – علي اسماعيل – علي أيوب – أمين زاهد – أرمان تيان – أيمن حمصي – شادي أبو شقرا – وقفّوا تقولو وصل عددهم ل 200 وأكتر.. هني أصحاب هوية وأصحاب حق تريز أنطون وثروت حطيط ونوال حمدان وجاك برميكيان وغسان حصروتي وايلي خزامي وغريتا عطالله وشربل كرم.. هنّي لبنانيين لا مسيحيين ولا مسلمين ولا دروز الإنفجار ما استهدف المسيحي الإنفجار إستهداف للبنان كل لبنان وللبنانيين كل اللبنانيين.
للأهالي بقول : كملّوا اللي عم تعملوه ونحنا معكم طالما فيكم نفس نحنا معكم,, وما رح نزايد عليكم..اللي بتلاقوه مناسب للقضية رح تلاقونا حدكّن حتى تحقيق العدالة… قضيتكم قضيتنا وما في قضية بتموت طالما وراها ناس متلكم .
مواضيع ذات صلة :
مشاهدة محفوض في ذكرى تفجير بيروت الشهداء والضحايا ليسوا أرقام ا ولا قيمة للبنان
يذكر بـأن الموضوع التابع لـ محفوض في ذكرى تفجير بيروت الشهداء والضحايا ليسوا أرقام ا ولا قيمة للبنان من دون القي م والأخلاق اللبنانية قد تم نشرة اليوم ( ) ومتواجد على هنا لبنان ( لبنان ) وقد قام فريق التحرير في برس بي بالتاكد منه وربما تم التعديل علية وربما قد يكون تم نقله بالكامل اوالاقتباس منه ويمكنك قراءة ومتابعة مستجدادت هذا الخبر او الموضوع من مصدره الاساسي.
وختاما نتمنى ان نكون قد قدمنا لكم من موقع Pressbee تفاصيل ومعلومات، محفوض في ذكرى تفجير بيروت: الشهداء والضحايا ليسوا أرقامًا.. ولا قيمة للبنان من دون القيَم والأخلاق اللبنانية.
في الموقع ايضا :
- أمين مجلس التعاون يدين اعتراف كولومبيا بسيادة الاحتلال الإسرائيلي على الجولان السوري المحتل
- قيادات من الاتحاد العالمي للمهاجرين اليمنيين تلتقي الرئيس السابق علي ناصر محمد في القاهرة
- اليمن: قصف حوثي يستهدف قوات حكومية ومناطق سكنية في شبوة
تابعونا على جوجل نيوز