أوعى حاسب
هوه ده الوقت المناسب
اللى كل الخونة
فيه بينشطوا
ويصرخوا ويتشقلبوا
ويتنططوا
المطرودين منها
ولاد إبليس
ويا الخلايا النايمة
فى الكواليس
هيزودوا م النصب
والتدليس
من ماخور وللا حانة
بيخططوا ولاد الجبانة
وكل ما تزيد الخيانة
كل ما تزيد المكاسب
إوعى حاسب
هوه ده الوقت المناسب
عايزين تكون
انت السلاح
إللى بيه يدمروا
بلدك ويبقى تعبنا راح
ويقبوا تانى ويظهروا
وكأن دم الشهدا راح
وكأننا نسينا الجراح
أملهم انك تتخدع
باللى. يقولوه
واللى أسيادهم
هناك بيرسموه
ميعرفوش انك
فى لحظات الخطر
على الوطن
الطفل يتحول بطل
نسيوا أن مابينا تار
لسه اليتيم فى قلبه نار
وإن اللى خان
لو عمره طال
هييجى يوم ويتحاسب
إوعى حاسب
هوه ده الوقت المناسب
متقلقوش من العميل
إللى العيون شيفاه
الفكرة فى الكيانات
إللى لابدة وراه
كل مابنطلع بخطوة
للحضارة
النوايا السودا هتبان
والحقارة
ضربة الدم بتاخدهم
كل ما بنقيد منارة
بينهم وبينا صراع وجود
إما الفنا.. وإما الخلود
وده غل من قبل الجدود
ساب مرارة وساب
رواسب
إوعى حاسب
هوه دا الوقت المناسب
الحرب دى من جيل جديد من الحروب
مش بالجيوش
دى ع العقول
وع الشعوب
الحرب دى باختصار
قصتها قايمة عليك
يشككوا ويعتموا
على أى نور حواليك
اخرتها بلدك تضيع
بسهولة منك فيك
وعيك وعقلك
مربط القصة
والشر عنده كتير
فى خزنته لسه
هيفبركوا ويزيفوا
خمستلاف قصة
ولكل قصة حوار
بيليق ويناسب
إوعى حاسب
هوه ده الوقت المناسب
هوه ده الوقت المناسب
إوعى حاسب
مشاهدة أوعى حاسب
يذكر بـأن الموضوع التابع لـ أوعى حاسب قد تم نشرة اليوم ( ) ومتواجد على الاسبوع ( مصر ) وقد قام فريق التحرير في برس بي بالتاكد منه وربما تم التعديل علية وربما قد يكون تم نقله بالكامل اوالاقتباس منه ويمكنك قراءة ومتابعة مستجدادت هذا الخبر او الموضوع من مصدره الاساسي.
وختاما نتمنى ان نكون قد قدمنا لكم من موقع Pressbee تفاصيل ومعلومات، أوعى حاسب.
في الموقع ايضا :
- قبائل في مطارح الكرامة يعلنون عزل الشيخ "فدغم" وتعيين عبداللطيف المرادي رئيساً لتحالف قبائل اليمن.. فيديو
- عاجل / معسكر خالد ابن الوليد تحت القصف
- من قلب المخا.. تصريح هام لقائد اللواء السادس مشاه عن مستجدات المعارك في الساحل الغربي.. فيديو
تابعونا على جوجل نيوز