من ساعة ما وعي على الدنيا وهو عايش مع جده، قالوا له وهو صغير ان ابوه وامه راحوا عند ربنا، ولما سألهم هيرجعوا امتي .. كانوا دايما بيردوا بنفس النظرة ونفس السكوت، ولما كبر فهم سر سكوتهم عند السؤال..
جده مكنش حد عادي.. كان راجل حكيم، عطوف، بيحب الخير، وفي نفس الوقت كان راجل قوي.. صاحب هيبة وقبول، لما يتكلم كان الكل بيسمع، ولما يسمع كان الكل يختار الكلام ..
جده كان أهم حاجة في حياته وكان هو أهم حاجة في حياة جده، مكنوش بيتفارقوا أبدا فى أي وقت، في البيت، في المسجد، في المشاوير، حتى فى قعدات الكبار اللى كان جده بيحضرها كان دايما بيكون معاه.
كان دايما جده بيتكلم معاه ويعامله كأنه صديقه، عالم جميل من الحواديت والفوازير وحتى النكت عيّـشه فيه جده، ومع كل حدوته او فزورة او حتى نكته كان بيعلمه شيئ جديد، ويوجه له نصيحة جديدة…
“اياك تهين كرامتك علشان اى حاجة في الدنيا، لأنها لو مكتوبالك هتجيلك بعزة نفس، وان مكنتش مكتوبالك .. مش هتجيلك بضياع كرامتك”..“متطلبش حاجة من حد .. اطلب من اللى خلق كل حد ..”“عيش فى الدنيا كأنك سايح، انسان بيزور أرض غير أرضه، وسما غير سماه، بيتابع اللى بيجري حواليه.. ويتعلم منه .. ياخد ذكري جميلة من مكان .. او يعمل خير من غير ما يستنى رد للجميل .. ومهما طال وجوده فى الأرض الغريبة.. فده مبينسهوش ابدا انه غريب .. وانه لابد راجع في يوم..”.“خليك رحيم.. عطوف.. بسيط .. لكن وقت الشدة .. خليك شديد، صلب، ميهزمكش عدوك مهما كان”..“صدق ضميرك الحي وامشي وراه .. عيش بالمبادئ .. بالأصول .. عيش باللى يرضي الله.. وان شوفت الناس بيبيعوا عيالهم قدام البيوت .. اياك تبيع ضميرك ومبادئك “..“ابعد عن الذنوب وعن الخناق على حطام الدنيا .. وخلي روحك خفيفة .. طايرة بعيد عن الأرض واذاها”..“أياك في يوم اليأس يعرف طريق قلبك .. وكون نفسك .. واياك تغيـّـرك فتن الدنيا”…وكانت اخر نصيحة قالها الجد للحفيد ..”حب كل الناس .. لكن خلى قلبك فى ايدك .. متسلموش لاى مخلوق مهما كان”…
ومات الجد .. وعرف الحفيد طعم اليتم .. لكن كان كل اللى بيصبره على الحياة حواديت جده، ونصايحه اللى حفظها وعاش بيها طول عمره.. لكن معرفش ليه نسي آخر نصيحة قالها له جده .. في اول يوم شافها فيه..وتبقين يا بلادي في دمى..
بقلم : محمود سعيد
(( جميع ما ينشر على الموقع من مقالات القراء تعبر عن رأي صاحبها ولا تعبر عن رأي الموقع ))
مرتبط
مشاهدة انخفاض كبير في اسعار الذهب اليوم الأربعاء 23 مارس 2022
يذكر بـأن الموضوع التابع لـ انخفاض كبير في اسعار الذهب اليوم الأربعاء 23 مارس 2022 قد تم نشرة ومتواجد على قد تم نشرة اليوم ( ) ومتواجد على الشرقية توداي ( مصر ) وقد قام فريق التحرير في برس بي بالتاكد منه وربما تم التعديل علية وربما قد يكون تم نقله بالكامل اوالاقتباس منه ويمكنك قراءة ومتابعة مستجدادت هذا الخبر او الموضوع من مصدره الاساسي.
التفاصيل من المصدر - اضغط هنا :::
وختاما نتمنى ان نكون قد قدمنا لكم من موقع Pressbee تفاصيل ومعلومات، انخفاض كبير في اسعار الذهب اليوم الأربعاء 23 مارس 2022.
في الموقع ايضا :